Цікавосткі літаратурнага пакой Якуба Коласа

Шаноўнае спадарства, вітаем вас на афіцыйнай старонке музея "Літаратурны пакой Якуба Коласа"
ДУА "Сярэдняя школа №44 імя Якуба Коласа горада Мінска"

Цікавосткі

Гісторыя

Навіны

Галерэя

Замовіць экскурсію

Якуба Коласа

пакой

літаратурны

Кантакты

Цікавосткі

Мы, беларусы, хітрыя — чорта абдурым

Да пяцідзесяцігоддзя літаратурнага пакоя

Знагоды 55-годдзя нашага музея, мы аб’яўляем конкурс-віктарыну. Прапануем адказаць на пытанні віктарыны, прысведчаныя жыццю і творчасці нашага класіка, і даслаць адказы на нашу пошту (jakubuseum@gmail.com). Першыя тры ўдзельніка, хто адкажа правільна на ўсе пытанні, атрымаюць зборнік вершаў Якуба Коласа. Жадаем поспехаў!

Пытанні віктарыны

1. У ліпені 1906 г. адбыўся нелегальны настаўніцкі з’езд, сярод удзельнікаў якога быў Якуб Колас. Маладыя настаўнікі сабраліся акурат на малой радзіме пісьменніка - у ваколіцах вёскі Мікалаеўшчына. Як называлася невялічкая вёсачка, у межах якой на палянцы каля Нёмана і адбыўся забаронены сход?

2. 1 верасня 1906 г. у беларускім перыядычным друку з’яўляецца новае выданне - газета "Наша доля". У гэтым жа нумары быў надрукаваны верш маладога беларускага аўтара з прыгожым псеўданімам Якуб Колас. Гэта быў літаратурны дэбют вядомага ў будучым пісьменніка. Як называўся гэты першы верш Якуба Коласа?

3. Зімой 1906 - 1907 гг. звольнены з настаўніцкай пасады Якуб Колас жыве на паўлегальным становішчы ў леснічоўцы Смалярня ў роднага брата. Там жа нелегальна адкрывае школу, займаецца з 12 вучнямі. Як звалі аднаго э чатырох братоў паэта, у якога Якуб Колас знайшоў часовы прытулак?

4. У 1908 г. да заключэння ў астрог Якуб Колас едзе ў Магілёўскую губерню. Там настаўнік працуе ў прыватнай беларускай (!) школе ў вёсцы Сані Абчугскай воласці Сенненскага павета. Заняткі ў школе вяліся на беларускай мове. Навучалася там каля 20 вучняў. Назавіце прозвішча памешчыка, які на свае ўласныя грошы адкрыў гэту школу.

5. У верасні 1908 г. у Мінску адбылося выязное пасяджэнне Віленскай судовай палаты па справе ўдзелу настаўнікаў у нелегальным з’ездзе. Слуханне справы праходзіла ў памяшканні "прысутных месцаў" – губернскіх адміністрацыйных устаноў сталіцы У гэтым будынку, які размяшчаўся ў самым цэнтры горада і захаваўся ў Мінску па сённяшні дзень, на першым паверсе знаходзіліся губернская канцылярыя, друкарня і архіў, а на другім – Мінскі акруговы суд, натарыяльная кантора, кабінеты пракурора і віцэ-губернатара. А што знаходзіцца ў гэтым будынку сёння?

6. Пасля абвяшчэння Якубу Коласу прысуду, ён трапіў у Мінскі астрожны замак. Зараз гэта месца называюць "Валадарка". А ў часы Коласа ў народзе існавала яшчэ адна назва – "Пішчалаўскі замак". I сапраўды, ад пакут людзі там проста пішчалі. Але ж назва гэта была ўтворана ад прозвішча архітэктара, які распрацаваў праект астрожнага замка. Назавіце прозвішча гэтага архітэктара.

7. Умовы, у якія трапіў арыштант К. Міцкевіч у астрозе, былі, безумоўна, складанымі. У зняволенні Якубу Коласу давялося займацца і не зусім звыклым для яго заняткам. "Месяцы з чатыры быў я ў турме кухарам. На кожную душу адпускалася па 10 капеек на дзень. Грошы ішлі ў агульны кацёл. I самі мы гатавалі па чарзе А кім яшчэ паспеў папрацаваць пісьменнік у турме?

8. У 1909 г. у Пецярбургу выйшла кніга Якуба Коласа "Другое чытанне для дзяцей беларусаў". Неверагодна, але факт: аўтар кнігі сядзеў за кратамі, а яго творы выходзілі ў друк без абмежавання. "Другое чытанне для дзяцей беларусаў" гэта падручнік для навучання дзетак беларускай мове. Як зразумела з назвы, гэта другая спроба стварыць беларускамоўны падручнік. А хто быў аўтарам падручніка "Першае чытанне для дзетак беларусаў"?

9. У 1910 г. у віленскай друкарні выйшаў першы зборнік вершаў Якуба Коласа. Літаратурная крытыка сустрэла яго даволі высокімі станоўчымі водгукамі. А якую назву аўтар даў свайму зборніку?

10. Краты і турэмныя сцены не самыя лепшыя дарадцы таленавітаму аўтару. Але Якуб Колас, дзякуючы сваёй неабмежаванай фантазіі і шматлікім успамінам, пачаў ствараць паэтычны твор, якому наканавана было стаць класікай беларускай літаратуры. Цалкам твор пабачыў свет толькі ў 1923 г., але ж першыя яго радкі былі народжаны менавіта за турэмнымі кратамі. Пра які твор ідзе гаворка?

Гульні

Напішыце нам!

jakubuseum@gmail.com

+375 (017) 226-90-09

Youtube

Тэлефон

Instagram

Сацыяльныя сеткі

Мінск, праспект Пераможцаў, 3А

Адрас

Сайт прэзідэнта Рэспублікі Беларусь

Міністэрства адукацыі Рэспублікі Беларусь

Дзяржаўны літаратурна-мемарыяльны музей Якуба Коласа

Сярэдняя школа №44 імя Якуба Коласа г. Мінска

На верх!