Настаўнікі і вучні рашылі стварыць музей паэта. Горача ўзяліся за працу: збіралі матэрыялы, вывучалі творчасць паэта, рыхтавалі экскурсаводаў. Вялікую дапамогу ў зборы экспанатаў аказаў Дзяржаўны музей Я. Коласа, які працуе пры АН Беларусі. Сярод школьных музеяў важная роля адводзіцца літаратурным музеям. Звычайна яны ствараюцца ў школах, якім прысвоены імёны вядомых паэтаў і пісьменнікаў, або прысвячаюцца пісьменнікам-землякам.

І вось 3 лістапада 1969 года ва ўрачыстай абстаноўцы музей адчыніў свае дзверы. Гасцямі ў гэты дзень у школе былі сын паэта Д.К. Міцкевіч, скульптар З. Азгур, пісьменніца Л. Арабей, паэт А. Слесарэнка, многія прадстаўнікі раённых устаноў. З таго часу музей жыве, працуе, вучыць, выхоўвае. За гэты час тры разы праведзена эканструкцыя музея, мяркуецца зноў абнавіць музейную экспазіцыю.

У музеі праводзяцца ўрокі, прысвечаныя жыццю і творчасці выдатнага песняра беларускай зямлі Я. Коласа. Экспанаты музея дапамагаюць вучням больш глыбока пазнаёміцца з жыццём паэта. Праводзяцца таксама экскурсіі для вучняў школы і
гасцей. Наведваюць музей вучні школ Цэнтральнага раёна горада Мінска, а таксама былі ў свой час вучні школ горада Масквы і іншых месц з Расіі і Беларусі. Частым госцем у музеі, на школьных вечарах былі сын паэта Даніла Канстанцінавіч
Міцкевіч, многія беларускія паэты і пісьменнікі: П. Броўка, Я. Брыль, В. Вітка, І. Шамякін, М. Аўрамчык, В. Іпатава і многія іншыя. Гэтыя сустрэчы пакінулі глыбокі след у памяці дзяцей. Беражліва захоўваюцца ў музеі аўтографы вершаў, прысвечаных паэту. Іх нам пакінулі М. Аўрамчык, К. Кірыенка, М. Танк, С. Шушкевіч і іншыя.

У 2019 годзе музей прайшоў поўную рэканструкцыю. Сёння наладжана супрацоўніцтва з вядучым музеем, прысвечаным Якубу Коласу-Дзяржаўным літаратурна-мемарыяльным музеем Якуба Коласа.

нашага народа ёсць добрая традыцыя – ушаноўваць памяць выдатных людзей у назвах вуліц, устаноў, прадпрыемстваў, бібліятэк.

Імя народнага паэта Беларусі Якуба Коласа прысвоена некалькім школам у
рэспубліцы, у тым ліку і сярэдняй школе № 44 г. Мінска. Было гэта ў 1956 г., калі
школа знаходзілася ў старым будынку на вуліцы Камуністычнай. У 1964 г. школа стала працаваць у новым будынку на праспекце Машэрава, 3а.